注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

李池湘博客-《湘韵楼》

路漫漫其修远兮,吾将上下而求索!

 
 
 

日志

 
 
关于我

李池湘或许较幸运,曾主演《萍踪侠影》《芙蓉仙子》等剧,曾获奖项:广东省文化厅厅系统业务标兵,首届省粤剧演艺大赛银奖,香港南派粤剧节表演奖、参加 2002年中央电视台春节戏曲晚会、获中国国际十佳栏目形象片奖,获2005年度广播电视文艺奖一等奖。李池湘或许较勤奋:曾主持电视节目:‘家嫂湘约’‘创意厨房’‘阿湘讲戏’‘好戏连台’。出访美国加拿大、澳大利亚新加坡纽西兰演出。举办过‘李池湘粤剧艺术欣赏会’‘李池湘爱在家乡粤曲演唱会’‘健康之声八载情浓李池湘演唱会’著有‘李池湘从艺掠影’一书。其他正在努力中...

网易考拉推荐

扎脚花旦王超群  

2010-10-05 15:35:59|  分类: 圈中人 |  标签: |举报 |字号 订阅

  下载LOFTER 我的照片书  |
 

扎脚花旦王超群

李池湘

   戏曲舞台有一种戏,叫"扎脚戏",好似<<扎脚穆桂英>>、<<扎脚刘金定>>,演呢啲扎脚戏系好辛苦嘅,但居然有一个吾怕辛苦嘅花旦做扎脚戏一做就咗几十年,佢就系王超群嘞。

王超群系香港著名粤剧花旦,师承著名男花旦谭珊珊,以擅长扎脚戏同埋武打见称。佢扮相娇美亮丽,表演真切自如,注重人物性格刻划,做工细腻,唱腔清脆,因幼年练功打下扎实嘅基础,演起武打戏身手敏捷,特別系扎脚戏开打、一字码、小跳、园场等动作干净利落,常令观众喝采。代表戏有:<<扎脚穆桂英>>、<<扎脚刘金定>>、<<春花笑六郎>>、<<李刚三打白孤仙>>、<<梦蝶情>>等。

演扎脚戏最紧要系对鞋,呢对鞋只得三寸长一寸半宽,只能够着得落五只脚趾,着起佢全身嘅重量就集中喺脚尖,故称做戏曲中嘅芭蕾鞋。佢比芭蕾鞋仲要辛苦,因着起佢就唔可以将脚放平,要就住鞋中间嘅木板一直咪住脚尖,演员仲要穿着住佢走圆场、小跳、转身舞蹈等动作,有时一晚戏三个钟演落嚟脚会脚抽筋架,脚趾充血变黑,练习时甚至脚甲流血或全磨甩哂,真系好唔容易。以前嘅演员为咗标新立异,做出特色,所以先想出咁样嘅绝技,但系因为较苦较残忍,咦家已好少演员演呢种"扎脚戏"啦。广东嘅粤剧界已没人演嘞,香港以前仲有尹飞燕、南凤、王超群演,呢几年就只剩翻王超群演"扎脚戏"咯。王超群同我讲咗演扎脚戏嘅辛酸,佢话:演呢类戏系一定要坚持练功嘅,要练到身体轻盈先能够演。佢话佢好彩天生系小巧纤瘦嘅身材,再坚持十年如一日嘅练功、跑步、控制体重,先至能坚持到今日。佢今年五十几岁,演咗四十几年,佢如果隔好耐先演一场脚都会脚好痛脚趾变黑,真系好佩服佢。因为做呢这种戏太苦,咦家已无人接班咯。

有幸睇到王超群做戏,王超群演嘅扎脚穆桂英,内唱首板“叫穆瓜,与姑娘下山而去!”踩住锣鼓点出场,扎脚鞋园场步又细又密,到台口轻盈转两个身,小跳別步亮相,扎脚特有嘅绝技、摇曳啊娜嘅身形同埋一连贯嘅精彩动作,赢得台下观众如雷贯耳嘅掌声。扎脚花旦王超群 - 李池湘 - 李池湘博客-《湘韵楼》

  评论这张
 
阅读(600)| 评论(0)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017