注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

李池湘博客-《湘韵楼》

路漫漫其修远兮,吾将上下而求索!

 
 
 

日志

 
 
关于我

李池湘或许较幸运,曾主演《萍踪侠影》《芙蓉仙子》等剧,曾获奖项:广东省文化厅厅系统业务标兵,首届省粤剧演艺大赛银奖,香港南派粤剧节表演奖、参加 2002年中央电视台春节戏曲晚会、获中国国际十佳栏目形象片奖,获2005年度广播电视文艺奖一等奖。李池湘或许较勤奋:曾主持电视节目:‘家嫂湘约’‘创意厨房’‘阿湘讲戏’‘好戏连台’。出访美国加拿大、澳大利亚新加坡纽西兰演出。举办过‘李池湘粤剧艺术欣赏会’‘李池湘爱在家乡粤曲演唱会’‘健康之声八载情浓李池湘演唱会’著有‘李池湘从艺掠影’一书。其他正在努力中...

网易考拉推荐

2010年11月29日  

2010-11-29 00:13:36|  分类: 圈中人 |  标签: |举报 |字号 订阅

  下载LOFTER 我的照片书  |
 乜戏都掂嘅花旦陈嘉鸣

李池湘

戏行好多花旦都钟意做闺门旦戏,能够做埋刀马旦同小旦戏就好难得嘞。之但系香港有个花旦好叻,佢乜戏都做:花衫、小旦、刀马旦、彩旦、老旦、小生,连丑生戏都做埋,佢就系陈嘉鸣嘞。

点解陈嘉鸣咁犀利呢?原来,佢七岁就开始学戏,拜咗万能旦后邓碧云为师。邓碧云系有名乜戏都掂嘅老倌,正所谓名师出高徒,当然会学番几度散手啦。初时陈嘉鸣跟邓碧云系学小生嘅,点知随住年岁渐长,佢嘅声同个样都未能脱离女性嘅特征,佢师傅就叫佢转咗学花旦。陈嘉鸣喺八十年代开始做二帮,佢好勤力,唔放过任何实践机会,佢又可谓艺高人胆大,乜戏都敢接,佢记住师傅邓碧云嘅话:只要努力,无话唔得嘅!边个班请佢做都去,佢做二帮角色参演嘅戏就有上百个。后嚟陈嘉鸣升咗做正印花旦,有几个戏好受戏迷欢迎:好似《花田八喜》、《牡丹亭惊梦》、《铁马银婚》、《红菱巧破无头案》、《棋盘山》、《红娘》、《穆桂英破洪洲》等,呢啲戏都系有文有武有小旦有喜剧,足可以证明佢嘅戏路好广。

陈嘉鸣做戏功底扎实,佢嘅袍甲武打戏《穆桂英破洪洲》开打一场,只见佢威风凛凛帶住兵将大锣大鼓出场亮相,一扬手:”众将官,与我杀!”陈嘉鸣手执兵器左砍右杀,大打四星之后食住锣鼓连续三个转身亮相,利索嘅动作稳重漂亮嘅功架,赢得观众喝采声。陈嘉鸣做丑生戏又好掂架,好似喺《胡不归》入边佢做个白鼻哥三郎,呢场戏佢要调戏花旦频娘。佢一出场鬼鬼祟祟左右望下无人,就上前:我见你一人寂莫,同你问安呀!边讲边上前擒擒青去揽个花旦,点知个花旦避开,佢扑空向前冲几乎跌咗落地,夸张嘅动作引出观众嘅笑声,到后嚟花旦唔理佢,佢恼羞成怒:啍,佢冷若冰霜,我枉有百计千条,亦难展登徒技俩。边唱边做丑生嘅鬼马身段,好似只缩头乌龟咁走矮子步入场,啲观众畀佢吸引住完全唔记得佢系花旦扮丑生,精彩嘅表演博得掌声如雷,戏迷话:陈嘉鸣似足佢个师傅,真系乜戏都掂嘅!2010年11月29日 - 李池湘 - 李池湘博客-《湘韵楼》

  评论这张
 
阅读(248)| 评论(0)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017