李池湘博客－《湘韵楼》

一代名丑梁醒波

李池湘

 喺香港粤剧舞台，有一个丑生王，佢嘅一生都畀咗粤剧，畀戏迷带嚟欢乐同埋笑声。佢嘅造型敦厚搞笑，佢嘅唱腔谐趣生鬼，佢嘅表演灵活多变，令戏迷喜爱有加，佢就系一代名丑梁醒波嘞。

 梁醒波（1908-1981年）男，广东南海人，新加坡出生。原名梁侍海，出身于梨园世家，父亲梁悦系粤剧名伶声架悦。梁醒波师承鬼马流同大胆根，初系粤剧文武生，后改丑生。代表作品：《呆佬拜寿》《光棍姻缘》《钓鱼郎》《紫钗记》《帝女花》等。经典之作深入人心。

 梁醒波为人乐观，成日笑口吟吟，行内人都亲切咁叫佢做“波叔”。 波叔曾经同我地讲过，佢做丑生最紧要二样：一系爆肚、执生。唔死搬剧本，睇住观众嘅情绪嚟做戏。观众有兴趣就做长啲，观众无反应就快啲转话题。二系要脸口生鬼、表情夸张。用夸张嘅表演令观众共鸣，带住观众嘅情绪走。  戏迷最钟意波叔嘅<<光棍姻缘>>  ，佢一出场，双眼左右一碌，个肥肚腩一松一缩，观众即时畀佢嘅生鬼神情逗得好想笑。波叔再唱：“担番口大雪茄咋，充生晒认经理噃，捞世界要醒目，一于当玩把戏之嘛。”佢一边唱一边运用脸部表情，再配埋啲得意动作，引到观众哈哈大笑，观众话：波叔真系个开心果呀！

 波叔处世哲学好简单，同人相处不过多计较，既同“上流社会”交往，也同贩夫走卒打交道。佢话：“熟悉人地嘅生活，同佢哋交朋友，系一件快乐事，对塑造角色亦大有帮助，亦系我做丑生成功嘅秘诀。”波叔随和待人，认真演戏，真不愧为一代名丑！

新年到，<<好戏连台>> 再创辉煌！

为答谢戏迷一直以来对<<好戏连台>>栏目的支持，特举办一台“<好戏连台>粤剧折子戏晚会”答谢戏迷。晚会名家云集，名剧名段异彩纷呈：彭炽权、梁玉嵘、黄伟坤、黄伟香、李池湘、陈卓华、林昊东、何丰仪、欧辉、陈小刀、彭嘉志等专业演员倾情演绎。

<<好戏连台>>粵韵响，名家献艺创辉煌！

记得2012年1月7日晚，广州江南戏院。 

节 目 单

 开场粤剧<<好戏连台>>创辉煌_________________新起点粤剧培训学校  5分钟 

1、折子戏<<梁祝化蝶>><<帝女花香夭>>________林昊东、李池湘 15 分钟   

2.    折子戏<<花木兰>>___ __________________何丰仪 12分钟

3、  折子戏<<吟尽楚江秋>>__________________黄伟坤 15

4、 古仔、折子戏<<闹龙宫>>_________________彭嘉志、陈小刀   18 分钟                       

5、粤曲独唱<<织出南国彩虹路>>______________梁玉嵘 10分钟        

6. 独幕粤剧<<母后会李贤>>(泮塘五秀的由来)____简丽影、小少帆   25分钟 

7.   彩 唱<<欢乐曲>>_________________________欧辉 15分钟

8、 折子戏<<武松打虎>><<战马超>>___________庞林辉 10分钟   

9、讲古、折子戏<<潞安洲>>__________________彭嘉志、陈卓华、李池湘30分钟

10、折子戏<<拉郎配之抢笛>>__________________彭炽权、黄伟香   18分钟      

 司仪：彭嘉志

 (节目以当晚演出为准)

 演出时间：2012年1月7日晚

金牌打仔陈小刀

李池湘

 粤剧是一门综合艺术，要演成一台戏，生旦净末丑缺一不可，除了文武生花旦呢啲主角之外.仲有好多配角演员。今日同大家介绍一个粤剧嘅金牌打仔__陈小刀。

 陈小刀,湛江雷州人。好多人都唔知,原来喺雷州有专门培养打仔既粤剧三年制培训班。佢地唔教唱曲运腔；唔教演戏水袖；唔教表演感情；只教锣鼓同做手、武打、企栋。教出嚟嘅打仔，个个身怀绝技,毕业分配到各个剧团演打仔手下。陈小刀11岁就入呢个培训班,每日一早6点起身跑步,跑完步打筋斗,然后学刀.枪.剑.把子等技艺,学带马,学锣鼓。由于佢先天身体素质好,身材中等不高不矮,行内叫”珍珠身材”，呢种身材最适合打筋斗,减少阻力,体操运动员就系呢啲身材。三年学武,陈小刀学到好多绝技,好似：原地打大翻,连坏旋转360.佢可以打68个级翻.30个原地级翻、高台云里翻…...。

 一般打仔,毕业后都默默无闻,因为演手下配角,一般都不为人所认识,但陈小刀却名声在外。佢既筋斗,行内少有,于是行内人都知道有一个打筋斗好叻既陈小刀。佢从雷州打到顺德,再从顺德打到广州粤剧团,再打到广东粤剧院。有日演出,佢嘅筋斗又赢得观众掌声，有个行内老倌感叹噉讲：“如果小刀识埋唱嘢就掂咯！”陈小刀听后谂：“系噃，我练下唱功,排番个戏做下主角都好。”佢虚心努力噉练唱功,编剧写咗个《时迁盗匣》比佢演,同佢报名参加粤剧演艺大赛。喺大赛上,佢演既时迁用咗独门绝技空中吊索,喺空中造型,翻筋斗,表演鼓上蚤时迁既机灵。佢既声音条件唔错.佢唱：整行藏整行藏提心谨慎，夜深人静正是盗匣好时机……。佢面部表情丰富.唱得字正腔圆中规中矩.边唱边做粤剧界未有人做过嘅高难动作：吊索金鸡独立、丹凤朝阳、双圈大迴环,最后腾空翻滚三圈落地！精彩既表演令到满场喝彩！现场评委亦拍案叫绝,纷纷亮出最高分,陈小刀既《时迁盗匣》获得广东省粤剧演艺大赛金奖。   

真系行行出状元,打仔亦能打出名堂,陈小刀就系粤剧界金牌打仔。